Samtíðarmenn

Samtíðarmenn hefur að geyma æviágrip 1700 Íslendinga sem verið hafa áberandi í samfélaginu og vakið hafa athygli fyrir störf sín á undanförnum árum. Í bókinni er fjallað um fólk á öllum aldri; athafnafólk, forystumenn félaga og samtaka, fjölmiðlafólk, fræðimenn, lækna, lögfræðinga, verkalýðsforingja, stjórnmálamenn og listafólk, svo nokkuð sé nefnt. Hér er á ferðinni nauðsynlegt uppflettirit fyrir alla þá sem vilja fræðast og vita deili á kunnum Íslendingum, af ólíkum sviðum þjóðlífsins.

Gerð er grein fyrir fjölskyldu, menntun og starfsferli og birtar myndir af öllum þátttakendum. Yfir 30.000 mannanöfn og fæðingardaga er að finna í bókinni, getið er um foreldra, systkin, maka, foreldra maka, börn, fósturbörn og fyrri maka. Samtals er ritið rúmlega 900 blaðsíður.